Претседателката на српскиот Парламент, Ана Брнабиќ, ќе биде во Брисел во петок, каде што ќе се сретне со претседателката на Европскиот парламент, Роберта Мецола, пренесува Данас.

Во соопштението на српскиот Парламент се наведува дека за 10 часот наутро во српската мисија во Европската Унија е закажана панел-дискусија, каде што Брнабиќ ќе зборува за европскиот пат на Србија.

Средбата со поранешниот амбасадор на ЕУ во Србија, Емануел Џофре, кој моментално е заменик-директор за Европа и Централна Азија во Европската служба за надворешни работи е закажана за попладнето во српската мисија во ЕУ.

Брнабиќ ќе разговара и со генералниот директор на Генералниот директорат на Европската комисија за проширување и источно соседство, Герт Јан Копман, во Европската комисија.