Британското кралско семејство го слави раѓањето на новиот член. Имено, една година по венчавката, војводата и војвотката од Вестминстер, Хју Гросвенор и Оливија Хенсон станаа родители. Двојката на 27 јули во Лондон доби девојче кое го крстија Козима Флоренс.

Тие објавија сè во официјално соопштение кое гласи:

„Војводата и војвотката од Вестминстер со големо задоволство го објавуваат раѓањето на нивната ќерка Козима Флоренс Гросвенор. Мајката и детето се добро, а двојката со нетрпение ги очекуваат своите први заеднички моменти во нивната нова семејна улога.“

Името Козима е од грчко-италијанско потекло и е поврзано со концептите на ред, хармонија и простор – изведено е од грчкиот збор kosmos (κόσμος).

Извор близок до двојката изјави за британското списание „Хелоу“ дека војводата и војвотката во моментов не сакаат да коментираат на можни прашања за  титулите или првородството, бидејќи во моментов сакаат да се посветат исклучиво на своето семејство и да уживаат во времето заедно со нивната новородена ќерка.

Блиски врски со принцот Хари, Вилијам и кралот Чарлс

Доаѓањето на Козима означува ново поглавје во животот на двојката, која се венчаше во јуни 2024 година, на раскошна церемонија на која учествуваа членови на британската аристократија и јавниот живот.

Гросвенор е еден од најпочитуваните и најбогатите членови на британското високо општество, а неговата свадба го привлече кремот на општествената елита и голем број познати лица, особено оние од „сина крв“.

Хју Гросвенор, 7-миот војвода од Вестминстер, честопати е нарекуван „најпосакуваниот ерген во Велика Британија“ во британските медиуми, благодарение на неговиот благороден статус, богатство и блиски пријателства со принцовите Вилијам и Хари. Тој е исто така кум на принцот Џорџ и принцот Арчи. Покрај тоа, кралот Чарлс е кум на Гросвенор.