Британскиот производител на чоколади „кедбери“ е исклучен од посебната листа на кралското семејство за прв пат по 170 години. Фирмата од Бирмингем го доби своето прво признание како производител на чоколада и какао од кралицата Викторија во 1854 година, но го загуби од кралот Чарлс, објави Би-би-си. Сопствениците на „Кедбери“ во САД, „Монделез интернешнл“, изјавија дека се разочарани од одлуката.

Кралот доделил кралски нарачки на 386 компании кои претходно имале нарачки од кралицата Елизабета Втора, вклучувајќи ги Џон Луис, Хајнц и Нестле. На компаниите кои го поседуваат документот од монархот, кој се издава до пет години, им се признава да даваат стоки или услуги за монархијата. Ним им е дозволено да го користат грбот на кралското семејство со кое се поврзани на пакувањето, како дел од рекламирање или други материјали, пишува БГНЕС.