Британскиот премиер Борис Џонсон претрпе пораз во Горниот дом на Парламентот, кој го отфрли неговиот нацрт-закон што ќе му овозможи да ги прекрши одредбите од договорот за излез на Велика Британија од Европската Унија (ЕУ).

Како што пренесуваат британските медиуми, Домот на лордовите гласаше со 433 „против“ и 165 „за“ отстранување на клучната одредба од законот, што им овозможува на министрите еднострано да ги кршат одредбите од договорот во врска со Северна Ирска.

Тој очекува уште неколку слични одредби да бидат отфрлени во продолжение на гласањето.

Во продолжение на правниот процес, овие одредби можат да бидат вратени, доколку Џонсон одлучи да се спротивстави на одлуката на Домот на лордовите што се очекува да го стори.