Британски имунолог за суспензијата на вакцината на „АстраЗенека“: Тоа е катастрофа за имунизацијата
Питер Опеншоу, истражувач во полето на имунологија при Империјал колеџ во Лондон, остро го осуди запирањето на имунизацијата со вакцината „АстраЗенека“ во дел од Европската Унија (ЕУ).
Препорачано
– Мислам дека тоа е катастрофа за прифаќање на вакцината во Европа, каде што и онака е на климави нозе, изјави тој при гостувањето на „Би-Би-Си 4“.
Опеншоу смета дека владите на повеќето земји-членки на ЕУ не биле во право што престанале да вакцинираат со оваа вакцина против ковид-19 по откривањето на неколку случаи на формирање тромбови, што во моментов се испитува за да се види постои ли каква било последователна поврзаност со вакцинацијата.
– Мислам дека е многу јасно дека придобивките од вакцинацијата во овој момент се многу поголеми од можната загриженост за оваа инаку ретка појава на згрутчување на крвта, рече тој, повикувајќи се статистичката фреквенција на несакани ефекти.
Тој исто така рече дека, според него, регулаторните тела во земјите-членки „веројатно се плашат” да не донесат такви одлуки за паузирање на вакцинирањето, бидејќи потоа тие може да се сметаат за одговорни за последиците:
– А всушност, овие настани (згрутчување на крвта по вакцинацијата) се многу ретки, потенцира имунологот.
