
Британците сметаат дека европските компании ќе трпат загуби поради „Брегзит“
Главниот британски преговарач, Давид Фрост, вели дека некои „особено тешки“ документи се разменети и дека на сила е конструктивен процес.
Европските компании ќе бидат губитници доколку Европската унија се обиде да наметне ограничувања за лондонските финансиски институции бидејќи нема да имаат пристап до некои од најликвидните пазари во светот, истакнува британскиот министер Михаел Гове.
Препорачано
– Постојат смо неколку места во светот каде имате такви ликвидни и широки пазари на капитал, истакнал Гове пред одборот за „Брегзит“ во горниот дом на британскиот парламент.
– Доколку ЕУ од своја страна намерно избере ограничување на пристапот за нашите финансиски услуги на нивниот пазар, губитници би биле инвеститорите во дел од ЕУ компаниите кои не би имале можност да добијат најдобра цена за било која трансакција, истакнува Гове.
– Тоа би било нов пример за потенцијално нанесување штета на самите себе од страна на ЕУ, вели британскиот министер, додавајќи дека некои финансиски правила, на пример бонуси, се осмислени со цел да му наштетат на Лондон.
Главниот британски преговарач, Давид Фрост, рече дека некои „особено тешки“ документи се разменети и дека на сила е конструктивен процес.
– Не гледаме зошто ова треба да трае долго, но се наоѓаме во рацете на ЕУ се додека тоа трае, истакнува Фрост.
Михаел Барниер, главниот преговарач на ЕУ за „Брегзит“, му порача на Лондон дека во преговорите не може да бира само она што му одговара.
Британија мора да биде реална доколку сака да постигне договор за напуштање на единствениот пазар и царинската унија, вели главниот преговарач на ЕУ за „Брегзит“.
– Лондон би требало да биде реален во наредниот период доколку сака да постигне договор за уредно повлекување од единствениот пазар и царинската унија, вели Барниер, додавајќи дека најтешки преговори се водат во делот рибарство и утврдување на еднакви трговски закони и правила.