Британскиот министер за одбрана Бен Волас денеска изјави дека расте опасноста од нови напади на аеродромот во Кабул како што се приближува рокот за повлекување на странските војски од Авганистан, што повеќето земји како Шпанија, Франција и Велика Британија веќе денеска го завршуваат, пренесува Гардијан.

Синоќешните експлозии од страна на Исламската држава убија 85 лица, меѓу кои 13 биле американски војници.

„Наративот ни е познат, додека ние заминуваме, групите како Исламската држава ќе тврдат дека ги бркаат САД и Британија“, рече Волас.

Бројни земји веќе ја завршија евакуацијата.

Според Волас, британската операција „ќе заврши за неколку часа“.