Музичарот Горан Бреговиќ, кој важи за водач на легендарниот рок состав „Бијело дугме“, се прости од клавијатуристот на групата – Владо Правдиќ.

„Тој беше единствениот фин дечко меѓу нас. Жал ми е. Почивај во мир…“ стои во објавата на Бреговиќ на Фејсбук.

Да потсетиме, Владо Правдиќ почина синоќа во хрватскиот град Сплит. Тој почина во пресрет на својот 74. роденден, кој требаше да го прослави на 6 декември, а последните неколку месеци се бореше со тешка болест.

Правдиќ ја започнал својата музичка кариера во 1965 година, во групата „Вокинс“, а потоа свирел со групата „Кост“ до 1970 година. Неговата следна „станица“ била групата „Амбасадори“ (1971), па преминал во „Индекси“, каде со мали прекини свирел сѐ до есента 1973 година.

Потоа се спријателил со Горан Бреговиќ, со кого првично свиреле во групата „Јутро“, а потоа го основале „Бијело дугме“. Во есента 1976 година, тој бил заменет со Лаза Ристовски, а две години подоцна повторно се вратил во групата, за повторно да ја напушти музичката сцена во 1987 година.

Почина Владо Правдиќ, поранешниот клавијатурист на „Бијело дугме“