Италијанскиот фудбалски клуб Интер во саботата објави дека го ангажираше бразилскиот напаѓач Луис Енрике од Олимпик Марсеј.

Иако времетраењето на договорот и финансиските детали не се откриени, италијанските медиуми објавуваат дека 23-годишниот напаѓач потпишал договор до 2030 година вреден 23 милиони евра (26,21 милиони долари) плус дополнителни два милиони евра за евентуално продолжување на договорот.

Енрике ја започна својата кариера во Ботафого пред да потпише за Марсеј во 2020 година.

Во 108 настапи за францускиот клуб, тој постигна 11 голови – од кои девет во сезоната 2024-25, кога Марсеј заврши на второто место во Лига 1.

Интер, кој беше поразен со 5:0 од Пари Сен Жермен во финалето на Лигата на шампионите минатиот месец, го заврши италијанското првенство на второто место зад Наполи и ќе игра на Светското клупско првенство од 14 јуни. Тие го играат својот прв натпревар на 17 јуни против мексиканскиот Монтереј, по што следат два натпревари во Сиетл против Урава Ред Дајмондс и Ривер Плата.