Бразилецот Нејмар се чини дека започна отворена војна со својот клуб, ПСЖ кој не сака да му ја исполни желбата и да го пушти да се врати во Барселона. Тој не се појави на денешниот тренинг како што беше договорено со управата, која пак најави дека ќе преземе „соодветни акции“ поради отсуството на фудбалерот.

„Овој понеделник, на 8 јули, Нејмар да Силва јуниорс имаше обврска да се појави како би ги започнал активностите со првиот тим на ПСЖ. Клубот може да потврди дека Нејмар не се појави на договореното место во закажаното време иако немаше одобрение од клубот. ПСЖ го осудува ваквото однесување и жали поради настанатата ситуација и ќе преземе предивдени мерки“, стои во соопштението на клубот.

Каталонските медиуми шпекулираат дека Нејмар, наместо во Париз, тој е во Барселона каде разгледува куќи и станови во кои сака да престојува по потписот со шпанскиот шампион.