Бразилецот Оскар ќе остане запаметен во светот на фудбалот како некој кој во најдобрите денови од кариерата кога блескаше во Челси направи трансфер во Кина каде што доби богат договор.

Европа Оскар ја напушти на само 25 години кога требаше да го прикаже најдоброто, а во Кина потпиша за тимот на Шангај Порт.

Во овој клуб Оскар прерасна во вистинска легенда одигрувајќи 248 натпревари во кои постигна 77 голови и додаде 113 асистенции. Исто така и заработи околу 60 милиони евра преку плати и уште 40 преку бонуси.

Кога е клупскиот успех во прашање трипати беше шампион на Кина, а освои и еден куп. Се до денес Оскар е и најплатениот фудбалер кој играл во Кина. Во кариерата настапуваше уште за Сао Паоло и Интернационал.