32-годишен Бразилец ќе одговара откако месецов се обидел да внесе во Македонија речиси 1.000 парчиња ретки минерали, рачно изработен накит и природни реткости вредни 15.000 евра, соопшти МВР.

„СВР Куманово поднесе кривична пријава против А.К.Ф.(32) од Бразил поради постоење основи на сомнение за сторено кривично дело „внесување на против правно прибавени добра од привремена заштита, културно наследство и природни добра“. На 10.07.2025 на Граничен премин Табановце, на влез во државата, полициски службеници извршиле контрола при што било констатирано дека пријавениот внел 961 природна реткост (минерали-камења, со различни бои, благородни метали и различен рачно изработен накит со додатоци од полускапоцени камења), а кои се противправно набавени на територија на друга држава, во вредност од 918.000 денари (околу 15.000 евра)“, велат од полицијата.