Актерот Бранислав Лечиќ се соочува со нови обвинувања за сексуално злоставување – овој пат тој беше обвинет од неговата колешка Мерима Исаковиќ, која изјави дека Лечиќ ја нападнал во 1978 година, кога имала само 18 години.

Уште една жртва: Бранислав Лечиќ пред 43 години ја силувал актерката Мерима Исаковиќ кога имала 18 години

Тимот задолжен за односи со јавноста на славниот актер денеска излезе со соопштение, пренесува „Новости“.

„Почитувани новинари, би сакале да ве информираме дека, поради денешните написи во медиумите, Бранислав Лечиќ има проблеми со здравјето, не се чувствува најдобро. Од истите причини, тој нема да ѝ се обраќа на јавноста, но како што изјави претходно, тој нема да коментира никакви обвинувања против себе сè додека не заврши постапката пред државните органи. Ве молиме, не го вознемирувајте, бидејќи тој навистина не се чувствува добро“, се наведува во соопштението.

Мерима Исаковиќ изјави дека доколку биде повикана од обвинителството ќе сведочи против Лечиќ.

„Секако дека ќе сведочам. Верувам дека да се каже вистината е основна обврска на секоја совесна личност. Не можам директно да сведочам за случајот на Даниела, но можам да сведочам за личноста на Бранислав Лечиќ и за моето драматично искуство поврзано со него. Се надевам дека и другите жртви ќе се осмелат да огласат, доколку ги има“, изјавила актерката за „Блиц“.