Поранешниот пратеник Љубомир Јосифовски кој синоќа бил приведен и однесен на распит во полициската станица Беко, извршил класичен хакерски упад во ситемот на Центарлен регистар, потврди за „Слободен печат“ директорката Марија Бошковска Јанковски.

Според неа, нападот го регистрирале од ИТ секторот. Таа, како што вели, не знаела за кого станува збор, само и била кажано дека е извршен упад во информатичкиот систем од страна на правен субјект.

– Откривме дека тој е лицето кој го извршил упадот и се обидел да краде податоци. Случајот го пријавивме во МВР – изјави за „Слободен печат“ Бошковска-Јанковски.

Таа најави соопштение за јавноста, но не сака да открие повеќе детали заради истрагата.

Од МВР потврдија дека Јосифовски бил приведен на информативен разговор и дека се сомничи за оштетување и неовластено навлегување во компјутерски систем.

Јосифовски: Не сум хакер, ниту пак сум упаднал во системот на Централен регистар