Поранешниот македонски репрезентативец и селектор, Бошко Ѓуровски ќе биде нов тренер на српскиот второлигаш Графичар кој е филијала на шампионот Црвена звезда.
Ѓуровски доаѓа на местото на Радомир Коковиќ кој си поднесе оставка по серијата од седум натпревари без победа.

Ѓуровски кој е фудбалска легенда на Црвена звезда, последните две години беше без тренерски ангажман. Последниот ангажман му беше во Јапонија каде беше помошник на актуелниот селектор на Србија, Драган Стојковиќ Пикси.
Тој во 2007 година ја освои последната двојна круна за Ц. Звезда, а потоа уште еднаш, на кратко седеше на црвено-белата клупа, по заминувањето на Миодраг Божовиќ пред неколку години.