Поранешниот македонски репрезентативец, а потоа и селектор на „црвено-жолтите“, Бошко Ѓуровски, тренерската кариерата ќе ја продолжи во Африка, откако се договори да седне на клупата на третопласираниот тим во првенството на Алжир, Параду.

Ова ќе биде десетти клуб во кариерата што ќе го води постариот од браќата Ѓуровски, тој досега седеше на клупата на Графичар, Црвена звезда, Сервет, Рад, Срем, Раднички Обреновац, Раднички Ниш, Нагоја и Кјото, а од 2013 до 2015 година ја предводеше репрезентацијата на Македонија.

Бошко Ѓуровски во последните четири месеци беше без ангажман откако го напушти тимот на Графичар, кој е филијала на Црвена звезда.