Не е редок случај полицајците да направат голема грешка, но се чини дека овие припадници на босанската полиција малку повеќе ја утнаа работата.

Тие заплениле херметички спакувано сирење мислејќи дека станува збор за дрога. Поточно при претрес на една семејна куќа во општина Тешањ во БИХ, по грешка одзеле вага и сирење.

Вагата била прецизна, тука бил и апаратот за вакумирање и херметичко затворање, како и девет килограми спакувано кравјо сирење.

Сето ова ги навело припадниците на КРИМ полицијата да помислат дека е во прашање дрога, па сите наведени работи при претресот ги заплениле.