По заминувањето на тренерот Џихат Арслан од клупата на Шкупи, поради семејни причини, раководството на брзо реагираше клубот од Чаир и најде нов тренер, тој ќе биде 42-годишниот Босанец Младен Жижовиќ.

Несомнено се работи за амбициозен тренер и тој доаѓа во Шкупи да продолжи да работи кон нови успеси.

– Мило ми е што сум дел од тимот на ФК Шкупи, се надевам дека заедно во соработка со сите структури на клубот ќе придонесеме Шкупи да биде еден од кандидатите за титулата шампион и влез на меѓународната сцена. Ќе се обидеме да го задржиме она што беше добро и да ја подобриме нашата игра, се надевам дека играчите ќе ја разберат оваа ситуација и ќе дадат голем придонес во соработката со нас и со нетрпение го очекуваме следниот натпревар. Верувам во мојата работа и во кадарот што го имам, ќе задржиме дел од тие што биле, со нас ќе дојде асистент кој работеше со нас изминатиот период, така што мислам дека ќе направиме квалитетен кадар од кој ќе знае и ќе може да им го пренесе знаењето на фудбалерите – изјави Жижовиќ, кој како фудбалер има настапувано во неколку босански екипи како и во ФК Тирана.

Жижовиќ од неодамна работеше како тренер во Саудиска Арабија на клупата на Ал Холод, а претходно соработуваше и со екипи како Радник од Бјелина, Зрињски и Слобода од Тузла, сите овие екипи се натпреваруваат во најсилното првенство на Босна и Херцеговина.

Во стручниот штаб го донесе со себе познатото име на хрватскиот фудбал, Перо Пејиќ, кој голем дел од кариерата одигра во хрватскиот шампионат, во Австрија, Иран, Саудиска Арабија и Албанија.