„Бомба“ на пазарот на модни брендови: „Прада“ се согласи да го купи „Версаче“ за 1,25 милијарди евра
„Прада“ се согласи да го купи конкурентскиот бренд „Версаче“ од „Капри холдингс“ за 1,25 милијарди евра, пишува „Еуроњуз“.
Препорачано
Се очекува трансакцијата да биде завршена во втората половина од оваа година, по добивањето на соодветните одобренија од регулаторните тела.
„Капри Холдингс“, сопственик на брендовите „Мајкл Корс“ и „Џими Чу“, претходно го купи „Версаче“ во 2018 година за 1,8 милијарди евра.
„Прада“ се обидува да го прошири својот бизнис, пркосејќи на забавувањето на побарувачката за луксузни производи, додека „Версаче“ работи со загуба во последните неколку квартали, објави „Ројтерс“.
Ова спојување ја зајакнува италијанската индустрија во луксузната индустрија предводена од француски конгломерати, од кои најпознат е ЛМВХ предводен од Бернар Арно.
Компанијата објави во ноември дека нејзината нето добивка за првите девет месеци од 2024 година се зголемила за 15 проценти на годишно ниво на 3,83 милијарди евра.
Малопродажбата на „Прада“ во Европа се зголеми за 16 проценти на годишно ниво на 1,09 милијарди евра, во Азиско-пацифичкиот регион за девет проценти на 1,14 милијарди евра и во Соединетите Американски Држави за седум проценти на 576 милиони евра.
„Нашите брендови се сè уште пожелни и релевантни благодарение на силата и конзистентноста на нивниот идентитет, креативност и остро позиционирање“, изјавил извршниот директор на оваа модна компанија, Андреа Гвера, во извештај објавен на веб-страницата на компанијата.
