Бразилскиот сенатор Ренан Калеирос, кој водеше парламентарна истрага за начинот на кој најнаселената земја во Јужна Америка се справи со пандемијата на коронавирус, тврди дека претседателот Жаир Болсонаро треба да биде обвинет за убиство поради грешки што резултираа со илјадници смртни случаи, пишува Ројтерс.

Во извештајот се вели дека Болсонаро е одговорен за владините грешки направени за време на пандемијата на Ковид-19, бидејќи тој ја отфрли можноста порано да снабди вакцини за Бразилците, што ја одложи кампањата за вакцинација и поради што починаа околу 95.000 луѓе повеќе отколку да се реагираше на време.

„Болсонаро беше воден од неосновано верување во теоријата за имунитет на стадото преку природна инфекција. Без употреба на вакцината, бројот на жртвите ќе се зголеми во стратосферата, како што се случи“, се вели во извештајот.

Покрај самиот Болсонаро, во извештајот се наведува дека треба да се поднесат обвиненија против неговите тројца синови, сенаторот Флавиус, федералниот претставник Едуардо и градскиот советник Карлос, за ширење дезинформации што поттикнуваа непочитување на санитарните мерки за борба против пандемијата.

Болсонаро ги отфрли сите обвиненија, сметајќи дека извештајот е политички мотивиран, и речиси е сигурно дека обвинение против него нема ни да биде поднесено бидејќи главниот обвинител, единствениот што може да го подигне, е лице назначено од Болсонаро.

Од почетокот на пандемијата во Бразил од Ковид-1-починаа 600.000 луѓе, што е втор најголем број на смртни случаи, после САД.