Софи Тарнер и Џо Џонас поминаа осум часа заедно за време на првиот ден од нивното четиридневно посредување во врска со разводот и старателството врз двете ќерки, пишува „Пејџ сикс“.

Ѕвездата од серијата „Game of Thrones“ беше „уловена“ како го напушта состанокот во Њујорк во друштво на адвокатката околу 18 часот, додека пак нејзиниот наскоро поранешен сопруг го напуштил истото место, два часа подоцна.

Лежерно облечената 27-годишна актерка изгледаше видно исцрпено, а претходно истиот ден беше видена како го напушта станот на пејачката Тејлор Свифт, каде што престојувала со двете ќерки.

Адвокатите на двојка се состанаа во вторникот пред судењето, каде беше откриено дека парот ќе има четиридневно посредување за да се обидат да преговараат за разводот и планот за родителство за ќерките Вила (3) и Делфин (1).

За време на состанокот, судијата исто така го одреди судењето на двајцата за 2 јануари. Додека чекаат, Софи и Џо се договориле девојчињата да бидат во Њујорк, каде и двајцата се видени како поминуваат многу време со своите деца.

И покрај жестокиот развод на двојката досега, извор ексклузивно изјави за „Пејџ сик“ дека Џо се надева дека односот со неговата наскоро поранешна сопруга ќе се подобри.

„Џо не сака да се кара – сè додека можат да постигнат фер договор за децата“, изјави изворот.

Инаку, двајцата се вклучени во спор, откако Џо минатиот месец поднесе барање за развод. Актерката потоа го тужеше нејзиниот  сопруг за да може да ги однесе децата во нејзината родна земја Англија.

Во нејзината тужба, Софи тврдеше дека таа и пејачот се договориле да го преселат своето семејство „преку барата“ пред разделбата. Тој план, според судските документи, бил потврден во писмото што Џонас го напишал во јуни. Сепак, музичарот сега бара заедничко старателство над своите деца, што значи дека тој ќе поминува повеќе време во САД отколку што првично очекувала. Иако претставникот на Џонас неодамна изјави дека таткото „се согласува децата да се одгледуваат и во САД и во ОК“.