Бојан Јовановски обвинет во аферата „Рекет“ и неговиот бранител нема да ја даваат одбраната во случајот „Меѓународен сојуз“ се додека не бу биде вратен мобилониот телефон со „ватс-ап“ комуникацијата со луѓе од политиката. Обвинетиот смета дека без овој доказ и без испитување на сведоците, кои се дел од разговорите, нема никаква смисла да ја дадат одбраната, која подоцна ќе биде искористена само како алиби дека постоела.

– Го молам судот да не ги прескокнува овие фази. Затоа сакам да ми го вратите мобилниот и ќе ни бидат потребни само неколку дена да ги екстрахираме податоците за да можат да им бидат презентирани на сведоците. Сведоците се обични луѓе, а не свето писмо. Ние не сме измамници, туку измамени од луѓе од политичките кругови. Не се откажувам од правото на одбрана, но барам да ми се овозможи ова право – рече Јовановски во судницата.

Судијката Софче Гаврилова – Ефремова вели дека се грижела за правата на обвинетите и обезбедила докази, но во однос на материјалите во телефонот на Јовановски рече дека тој е одземен во случајот „Рекет“ и дека е позната постапката за враќање. Од тој предмет биле изведени докази, а за начинот како се преземени податоци е објаснето во извештајот на секторот за компјутерски криминал при МВР.

Боки-13 изнесен со полиција од судница поради кавга со судијката