Дополнителниот заменик министер за внатрешни работи Митко Бојмацалиев најави дека внатрешната контрола при МВР ќе разгледува зошто вчера е уапсен новинарот Фуркан Салиу и на кој начин.

– Во моментов имаме министер од политичка партија која во минатото знаеше да се спротистави на гласните новинари, да затвора телевизии…Сосема оправдано што граѓаните реагираат, јас нема повеќе ништо да додадам од она што е соопштено од МВР. Од денеска за тоа што се случувало, зошто е уапсен и на кој начин новинарот, вклучена е и внатрешна контрола, така што мојот коментар ќе го дадам по извештајот од спроведната контрола, рече Бојмацалиев одговарајќи на новинарски прашања при неговата денешна работна посета на СВР – Охрид, Езерската полиција и на Граничниот премин „Свети Наум“.

На прашањето на новинарите дали можело и поинаку да се постапи, Бојмацалиев рече дека секогаш постојат повеќе начини да се постапува, а дали тоа бил исправниот начин тоа ќе го покаже внатрешната контрола по случајот.

Партиите различно „пукаат“ со пиштолот на Фуркан Салиу