Владата на вчерашната седница го разреши досегашниот директор на Агенцијата за национална безбедност (АНБ) Зарко Милошевски и на негово место го назначи Бојан Христовски. На новата функција Христовски доаѓа од Министерството за внатрешни работи

Христовски по локалните избори во 2021 година, како кадар на ВМРО-ДПМНЕ, краток период директоруваше со „Градски паркинг“, но поради недоразбирања на Данела Арсовска си замина од функцијата.

Сега веќе новопоставениот директор на АНБ до неодамна беше и претседател на Градскиот комитет на ВМРО-ДПМНЕ за Скопје, но од Владата велат дека Христовски ја напуштил партијата во 2023 година, но не прецизираат кога точно се случило тоа. Христовски на социјалните мрежи до неодамна споделуваше и објави во кои тој промовира одлуки на актуелната влада на премиерот Христијан Мицкоски.

За време на раководењето на Христовски со „Градски Паркинг“, во анкетниот лист кој го доставил до ДКСК пријавил дека поседува стан во Скопје, мотор „Пјаџо Беверли“ и автомобил „БМВ 320“.

Досегашниот директор на АНБ, Заре Милошевски беше назначен на функцијата во декември 2022 година од тогашната Влада на СДСМ и ДУИ. Пред Милошоски, со АНБ директоруваше Виктор Димовски.

Агенцијата за национална безбедност почна да функционира во 2019 година, по реформите кои беа спроведени во безбедносниот сектор, а со кои престана да функционира Управата за безбедност и контраразузнавање (УБК) во рамки на Министерството за внатрешни работи.

Разузнавачите алармираат за предавство: Премиерот сака да ја укине АНБ и АР и да постави блиско лице на раководна позиција

Нов директор на Агенцијата за национална безбедност е Бојан Христовски