Нето богатството на претседателот Доналд Трамп во понеделникот падна за речиси 300 милиони долари. Така, повеќемесечниот пад продолжи бидејќи акциите на Trump Media & Technology Group потонаа за повеќе од 11% и достигнаа најниско ниво од октомври.

Богатството на Трамп се намали за 296 милиони долари на 4,6 милијарди долари. Тоа претставува пад од 2,4 милијарди долари од средината на јануари. Тогаш богатството на претседателот вртоглаво порасна поради порастот на акциите на Trump Media.

Коментарот за рецесијата го намали  богатството

Акциите на Trump Media сега се намалени за 41% во 2025 година. По започнувањето на годината со вредност од 34,02 долари.

Падот на акциите на Trump Media се совпадна со поширок пад на берзата. Со падот на S&P 500 на шестмесечен минимум, Nasdaq Composite потона за 4%, а Dow Jones Industrial Average падна за 2,1%.

Овој пад се припишува на изјавата на Трамп дека не исклучува рецесија во 2025 година како и неговиот коментар дека „вистински не можеш да ја следиш берзата“, што го кажа во интервјуто за Фокс њуз што се емитуваше во неделата.

И богатсвото на Маск во опаѓање

Сопственикот на  Tesla и милијардер  Илон Маск, исто така претрпе голема загуба во понеделникот од  22,8 милијарди долари од нето богатството. Акциите на Tesla паднаа за повеќе од 15% и го затворија тргувањето на најниско ниво од 23 октомври.

Богатството на Маск сега се проценува на 319,6 милијарди долари, што сепак го прави убедливо најбогатиот човек во светот – повеќе од 100 милијарди долари пред второпласираниот Џеф Безос. Но, сега е повеќе од 140 милијарди долари посиромшен  од рекордната вредност од 464 милијарди долари кои ги имаше  во декември.

Компанија со загуба

Помина речиси една година откако Трамп Медиа излезе во јавност преку спојување на компанијата  за специјална намена. Матичната компанија на Truth Social ја заврши 2024 година со 777 милиони долари во готовина. Пријави нето загуба од 401 милион долари поради зголемените трошоци за истражување и развој и трошоците за компензација врз основа на акции. Трамп поседува околу 115 милиони акции на Trump Media и ја започна годината со проценето богатство од околу 7 милијарди долари.

Претседателот, кој воведе контроверзни царини против Кина, како и сојузниците како Канада и Мексико, во неделното интервју за Фокс њуз предупреди на период на економска „транзиција“. Неговите коментари „не направија ништо за да ја олеснат загриженоста на инвеститорите за тековниот политички хаос“, рече Том Есеј, основач на Sevens Report.