Само три седмици траеше соработката меѓу новиот тренер Бобан Бабунски и фудбалскиот клуб Беса 1976.

Клубот денеска официјално ја информираше јавноста дека Бабунски веќе не е тренер на екипата.

По несогласување и промена на ставот на тренерот во врска со договорените услови, клубот реши да ја прекине соработката.

Екипата со подготвителната фаза ќе стартува на 10 јануари, а за сите дополнителни промени јавноста ќе биде информирана.

Беса 1976 после есенскиот дел се наоѓа на 10 место со 13 бодови и една од целите е да се обезбеди опстанок во елитата.