Поранешниот претседател на ФИФА, Сеп Блатер го критикуваше актуелниот прв човек на Светската фудбалска организација, Џани Инфантино поради промената на формататот на Мундијалот кој од 2026 година ќе се игра со 48 репрезентации.

Блатер во интервју за германскиот неделник „Цајт“ ги критикуваше плановите на првиот човек ФИФА и за идејата за Светското клупско првенство.

„Тоа се обиди да се исцеди лимот што повеќе и повеќе. На пример СП со 48 репрезентации или сега Светското клупско првенство кое мора да се гледа како директна конкуренција на Лигата на шампионите. ФИФА со влегува во нешто што всушност не треба да ја интересира, а тоа е клупскиот фудбал“, додаде Блатер.

Мундијалот во 2026 година ќе се одржува во САД, Мексико и Канада и на него за првпат ќе учествуваат 48 репрезентации. Кога е Светското клупско првенство во прашање, Инфантино минатата недела најави промена на форматот на Светското клупско првенство на кое од 2025 година би требало да учествуваат 32 клуба.

Блатер од функцијата претседател на ФИФА се повлече во јуни 2015 година поради скандалот со корупција во ФИФА. Исткна дека нема никаков однос со Инфантино.

„Инфантино комуницира со мене само преку адвокати“, истакна Блатер.