Голманот на Баерн Минхен Мануел Ноер се повреди во вчерашниот натпревар против Баер Леверкузен и го чека пауза од околу еден месец.

Ноер натпреварот го напушти во 58. минута кога го замени Џонас Урбиг, а откриено е дека германскиот чувар на мрежата се повредил на бизарен начин.

Имено, чуварот на мрежата на гигантот од Минхен зарабтоил повреда додека го прославувал голот на Џамал Мусиала.

„Повредата ја потврди медицинската служба. Ноер ќе паузира околу еден месец“, објави Баерн.

Ќе потсетиме, Баерн вчера на „Алијанц Арената“ го совлада Леверкузен во првиот натпревар од осминафиналето и така речиси и да го обезбеди пласманот во следната фаза.