Бислимоски: Новиот Закон за енергетика значи либерализација на пазарите и поттикнување нови инвестиции
Со новиот Закон за енергетика, на регулаторот му се доделуваат сериозни ингеренции во процесот на пазарното поврзување со соседните земји со цел зголемена конкурентност, пониски цени, поголеми инвестиции. Со овој процес за пазарна интеграција нашите компании ќе имаат можност да учествуваат на пазарите во соседните земји, изјави претседателот на Регулаторната комисија за енергетика (РКЕ), Марко Бислимовски на панел-дискусијата за „Обновливи извори: Стратешки преглед на имплементацијата на обновливи извори на енергија“ предводена од Македонското здружение за обновливи извори на енергија (МАРЕС).
Препорачано
Бислимоски на панел-дискусијата сподели дека новиот Закон води кон либерализација на пазарите, а со тоа се поттикнуваат и нови инвестиции.
РКЕ и со Законот за енергетика кој е во сила и во кој е имплементиран третиот енергетски пакет како новина воведе надзор на пазарите на електрична енергија и природен гас.
– Ние имаме развиено мониторинг платформа во која се агрегираат податоците од сите учесници на пазарот и доколку утврдиме непазарно однесување може да започнеме соодветни постапки пред судовите. Не – фер пазарно однесување ќе се казнува со дел од приходот – објасни Бислимоски.
