Премиерот на Канада Џастин Трудо на социјалната мрежа Икс (поранешен Твитер), се огласи по веста која среде ноќ одекна низ светот – почина славниот Метју Пери, попознат како Чендлер од серијата „Пријатели“ (Friends).

„Смртта на Метју Пери е шокантна и тажна. Никогаш нема да ги заборавам игрите во училишниот двор што ги игравме и знам дека луѓето ширум светот никогаш нема да ја заборават радоста што тој им ја донесе. Благодарам за смеењето, Метју. Беше сакан и ќе ни недостигаш“, напишал Трудо.

Matthew Perry’s passing is shocking and saddening. I’ll never forget the schoolyard games we used to play, and I know people around the world are never going to forget the joy he brought them. Thanks for all the laughs, Matthew. You were loved – and you will be missed.

— Justin Trudeau (@JustinTrudeau) October 29, 2023

Метју, кој се изјаснуваше како полу-Канаѓанец, своевремено зборуваше за нивните училишни денови, а во една емисија призна дека се срами од своите постапки кон Џастин.

Како што рекол, еднаш го претепал на училиште, а иако во тоа време таткото на Џастин бил премиер, тој никогаш не реагирал поради овој инцидент.

Matthew Perry tells the story of the time he beat up Justin Trudeau in grade school

RIP legend pic.twitter.com/qJyFN83Rsu

— The Pleb ?? Reporter (@truckdriverpleb) October 29, 2023

Да потсетиме, Метју Пери во саботата беше пронајден мртов во својот дом во Лос Анџелес. Актерот имаше 54 години.

Извори од полицијата изјавиле за „Лос Анџелес тајмс“ дека Пери бил пронајден од екипите за итни случаи онесвестен во џакузи во неговиот дом во Лос Анџелес. Обидите за реанимација биле неуспешни.

„ЛА тајмс“ и ТМЗ, кои први ја објавија веста, рекоа дека немало знаци дека некој друг бил во домот во моментот на смртта на актерот.

Неговите публицисти и други претставници не одговориле веднаш на барањето на АП за коментар. На молба на АП да потврдат дека полицијата излегла на лице место на домашната адреса на Пери, полицискиот службеник во Лос Анџелес, Дрејк Медисон, рекол дека отишле таму „поради истрага за смртта на маж на возраст од 50 години“.

Портпаролот на противпожарната служба на Лос Анџелес, Брајан Хемфри, рекол за „Ен-би-си“ дека тие први реагирале во куќата во Пацифик Палисадес во 16:07 часот поради „итна опасност од вода“ од непознат вид. Никој не бил пренесен во болница, додал тој.

Метју Пери снимен на улиците на Беверли Хилс, фановите загрижени: Тој изгледа запуштено

ФОТО | Детали за смртта на Метју Пери, пред неговата куќа татко му и полицијата

ФОТО | Морничавата последна фотографија објавена од Метју Пери: Се снимил во џакузито во кое е пронајден мртов