Две големи јапонски компании планираат да се здружат со милијарерот Бил Гејтс за да обезбедат техничка поддршка за високотехнолошки нуклеарен реактор што ќе биде изграден во американската сојузна држава Вајоминг, објави Ројтерс.

Во јануари се очекува да биде потпишан договор, со учество на Јапонската агенција за атомска енергија (ЈАЕА) и „Mitsubishi Industries“ за обезбедување индустриска помош и податоци од напредните јапонски реактори.

Терапауер, нуклеарна енергетска компанија основана од Гејтс, планира да ја отвори својата централа во Вајоминг уште во 2028 година, а американските власти ќе обезбедат средства за покривање на половина од проектот вреден 4 милијарди долари, пишува „Business Telegraph“.

Работата на изградбата на брзиот реактор од 345.000 киловати кој користи натриум како течност за ладење, ќе започне во 2024 година.