Планинската спасувачка служба (ГСС) од Сараево, по неколкудневна потрага, пронајде тело на жена, за кое е утврдено дека станува збор за судијка на Окружниот суд која била пријавена за исчезната на почетокот на мај. Како што објавија денес локалните медиуми, телото на судијката Аријана Љуца е пронајдено синоќа во непристапен дел од кањонот на реката Миљацка, објавија регионалните медиуми.

Таа беше пријавена за исчезната на 4-ти мај, а во исто време, еден маж што живее во областа Пале исто така беше пријавен за исчезнат. Се работи за Божо Лопатиќ од Булог, а при претресот е утврдено дека двајцата исчезнале во исто време и на исто место, во близина на локален отпад за автомобили.

Драган Рајиќ, командант на Цивилната заштита во општина Источни Стари Град, каде што исчезнаа Лопатиќ и Љуца, рече дека повеќе од 60 припадници на ГСС и полицијата биле вклучени во потрагата од таа страна, а по два дена потрагата ја презел ГСС на Сараевската жупанија. Нема информации за судбината на Лопатиќ. Истрагата за овој случај ја презеде Окружното обвинителство во Сараево.