Актерот Џорџ Клуни, без влакна на јазикот, реши да одговори на некои од претходните критики на режисерот Квентин Тарантино, за неговата кариера, кои актерот очигледно многу го погодиле.

Во интервју за „ЏејКју“, Џорџ Клуни и Бред Пит го споменаа и искуството кое го имаат со Тарантино, а Клуни призна дека е прилично изнервиран од коментарите на режисерот за неговата филмска кариера, пишува „Дејли мејл“.

Имено, актерот и режисерот глумеа браќа во трилер од 1996 година, според сценариото кое Тарантино го напиша на почетокот на неговата кариера. Сепак, иако Клуни веќе имаше забележителна улога во серијата „Ургентен центар“, Тарантино имал некои негативни работи да каже за него.

„Слушајте, снимив филм со Квентин. Го глумеше мојот брат. Тој беше добар“, рекол Клуни за филмот „Од самрак до зори“.

„Квентин неодамна зборуваше некои глупави работи, па малку ме изнервира. Во едно интервју наброја филмски ѕвезди, зборуваше за тебе (Бред Пит) и некој друг, а новинарот го прашува ‘Што е со Џорџ?’, а тој вели: ‘Тој не е филмска ѕвезда’. И тогаш тој буквално вели нешто како ‘Именувајте ми еден негов филм во овој милениум’, а јас сум како: ‘Во овој милениум? Па, тоа е целата моја кариера’“, објаснил актерот.

„Па јас сум како, океј, човеку, з**би. Не ми пречи да плукам по него. И тој ме плукаше мене“, додал Клуни.

Клуни додаде дека тој и Пит имале среќа да соработуваат со некои големи режисери, кои знаат да ги ценат поради сите други неуспеси.

„Режисерот и сценариото се тие што ве одржуваат во живот, а тоа го научив откако направив навистина лоши филмови. Од лошо сценарио не можете да направите добар филм. Можете да направите лош филм од добро сценарио, да расипете сè“, заклучил тој.

Засега не е познато на кое интервју на Тарантино алудира Клуни, иако има неколку во кои режисерот особено го фали Бред Пит.

Таткото на Анџелина Џоли ја критикува за поддршката на Палестина: Под влијание е на антисемитистите…