Монфис отсекогаш знаел да ја забавува публиката во светот на тенисот, а сега повторно го привлече вниманието со своите неверојатни поени.

На почетокот од турнирот претрпе пораз од Пјер Ербер со резултат 2:0 по сетови 7:6 и 6:4.

Ербер најпрвин се обиде да го измами својот противник со лоб удар, но брзиот Монфис на маестрален начин возврати и ја одушеви публиката.

Освен гледачите, и Ербер аплаудираше на поенот кој дефинитивно може да влезе во конкуренција за најдобар на годината. Нема што, фантастично ремек дело на Французинот кој моментно се наоѓа на 16 место на АТП ранг листата.

Вториот носител на турнирот Зверев со 6:4 и 7:5 го елиминираше холандскиот натпреварувач Хасе. Триумфи забележаа уште Хачанов, Соуза, Албот, а Џонсон приреди изненадување совладувајќи го Колшрајбер.