По повод Светскиот ден за борба против хепатитис, министерството за здравство во соработка со Клиниката за гастроентерохепатологија и „Хепар Центар“ – Битола почнуваат заедничка национална кампања за бесплатен и анонимен скрининг за хепатитис Б, хепатитис Ц и ХИВ, како и еластографија за хронични црнодробни заболувања.

-Денеска сме во посета на мобилната единица на плоштад „Македонија“, каде се врши бесплатен и анонимен скрининг за навремено детектирање на болести на црн дроб.

Наш фокус е превенција и подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб, истакна министерот за здравство, доктор Арбен Таравари во рамки на посетата на мобилната единица на плоштад „Македонија“.

Националната кампања се реализира во десет градови во државата.