Поранешниот прв човек на Формула 1, Берни Еклстоун (92) се изјасни за виновен пред судот во Британија во однос на обвиненијата за непријавување фонд од повеќе милиони фунти во Сингапур на британските даночни власти.

Еклстоун минатата година беше обвинет за наводен непријавување на повеќе од 400 милиони фунти во странство на владата на неговата земја во 2015 година, а требаше да му се суди во ноември.

Британскиот бизнисмен, чие финансиско богатство се проценува на околу три милијарди американски долари, е многу заслужен за комерцијално трансформирање на Ф1, во голема мерка преку продажбата на телевизиските права во 1970- тите. Тој беше извршен директор на групацијата Формула 1 до јануари 2017 година.

Кралското обвинителство рече дека го покренало случајот за „измама со лажно претставување“ по комплексна меѓународна истрага.