Многу граѓани често прават работи што се забранети со закон, а еден германски град сега ги заострува казните за тоа. Во Берлин, фрлањето или оставањето отпад на улица е сè уште чест проблем, особено затоа што во големите градови поединецот се чувствува анонимен и му недостасува чувство на одговорност. Само во 2023 година, неправилното отстранување на отпадот го чинеше градот околу 10 милиони евра- пишува Телеграф.рс.

Кон средината на август 2025 година, Берлинскиот сенат усвои нов каталог на казни за неправилно отстранување на отпад, а казните се значително зголемени. Така за отстранување на отпушоци од цигари казната е 250 евра (претходно 55 евра). Нечистење на кучешки измет: 100-350 евра (претходно 55 евра), оставање душек покрај улица: 100 евра, оставање на стари гуми: 700 евра по парче, истовар на градежен отпад до 100 кг: 25.000 евра
Покрај овие вообичаени случаи, казната сега се однесува и на често видената практика на „кутии за подарување“, каде што луѓето оставаат употребувани предмети надвор од куќата за другите да ги земат. Казните за оваа активност сега се движат од 300 до 1.500 евра, а во случај на електрични уреди, дури и до 5.000 евра.

Овие нови правила и зголемени казни имаат за цел да го намалат нелегалното фрлање отпад и да ги охрабрат граѓаните да се однесуваат поодговорно, почитувајќи ги принципите на одржливост.