Основното јавно обвинителство поведе постапка против берберот што вчера нападна новинарска екипа на телевизија „Алсат“. За него има сомнение дека сторил кривично дело насилство. Станува збор за 52-годишник кој во Старата скопска чаршија најпрво упатил закани и навреди а потоа физички нападнал новинарска екипа на телевизија „Алсат“.

Со тупаници го удрил снимателот по главата и телото, а кај двете новинарки предизвикал чувство на вознемиреност и страв. Во насока на целосно документирање на настанот, по наредба на обвинителот обезбедени се снимки од видео надзорот на околните објекти.

Јавниот обвинител до судија на претходна постапка ќе предложи на берберот да му се одземе патната исправа привремено, како и забрана за остварување контакти со сведоците и со оштетениот.

ЗНМ: Бербер во скопската чаршија нападнал новинарска екипа на Тв Алсат