Израелскиот политичар и поранешен воен началник Бени Ганц поднесе оставка од воениот кабинет на Бенјамин Нетанјаху.

Ганц, главен ривал на Нетанјаху, поранешен министер за одбрана и лидер на централно-десничарската партија Национално единство, му се приклучи на воениот кабинет од три лица како министер без ресор по нападот на Хамас на 7 октомври, потег што тој рече дека е заради доброто на единството на земјата.

Но, како што се одолговлекуваше израелската војна во во Газа, несогласувањата околу стратегијата и како најдобро да се вратат 250-те израелски заложници дома, кулминираа со тоа што Ганц го обвини премиерот дека ги турнал настрана стратешките размислувања во корист на сопствениот политички опстанок и постави ултиматум до 8 јуни да ги претстави конкретните планови „ден потоа“ за Појасот Газа.

Ганц ја одложи својата очекувана оставка за еден ден по неочекуваното спасување на четворица израелски заложници во операцијата во која Министерството за здравство во Газа соопшти дека загинале 274 луѓе, а повредени се уште 698. Повлекувањето на неговата партија значи и дека генералот Гади Ајзенкот, набљудувач на воениот кабинет, се повлекува.

„Нетанјаху нѐ спречува да напредуваме кон вистинска победа“, рече тој во телевизиското обраќање.

Нетанјаху се обрати преку Икс по објавата на Ганц, велејќи дека е време да се „здружат силите“ наместо да има оставки.