Во последните денови неколку фармацевтски компании во Хрватска пријавија недостиг на антипсихотици, лекови кои влијаат на нервниот систем. Така, Kрка-фарма пријави таблети Хелекс СР од 1 мг со прилагодено ослободување на активната супстанција алпразолам. Причините се поврзани со производството, а не се знае кога повторно ќе се произведува.

Хелекс СР припаѓа на група на лекови кои се користат за ублажување на анксиозноста. Лекот е наменет само за краткорочна употреба. Копривница Белупо, пак, најави недостиг од два свои антипсихотици. Едниот лек е Кју-Пин СР 50 мг таблети со продолжено ослободување, а причините се поврзани со производството. Лекот ќе биде достапен до крајот на март. Недостига и Ваира-В 5 мг на Белупо и ќе го нема до 29 март. Исто така е антипсихотик кој се користи за лекување на шизофренија и депресија. Минатата недела лабораторијата Јадран галенски од Риека објави дека има недостиг на таблети Темелор од 2,5 мг од активната супстанција лоразепам.

Причината е неочекувано зголемена побарувачка. Лекот нема да се најде на пазарот до 25 март. Малку порано, фармацевтскиот гигант Сандоз исто така пријави недостиг на филм-обложени таблети Санвал од 10 мг, 20 и 30 таблети во блистер пакување и тоа до крајот на април. Санвал припаѓа на групата лекови наречени хипнотици.