Светски познатата ММА-промоција УФЦ сериозно разгледува можност да организира настан во Белград, пренесуваат српските медиуми, повикувајќи се на информации од блиски извори во ММА-заедницата.

Според досегашните најави, веќе е постигнат почетен договор за организација на УФЦ-настан во главниот град на Србија, што би значело историски момент за балканскиот спорт и нов импулс за ММА-сцената во регионот.

Иако сѐ уште нема официјална потврда за датумот или форматот на настанот, интересот и возбудата веќе се чувствуваат, особено меѓу љубителите на боречките спортови кои долго време посакуваа УФЦ да дојде поблиску до овие простори.

Оваа можност ја споменал и потпретседателот на УФЦ за меѓународни операции, Дејвид Шо, во разговор со делегација од ММА-сојузот на Србија. Според него, Белград е сериозен кандидат за домаќин на еден од идните настани.

Инаку, ММА настан ќе се одржи и во Македонија и тоа на 14 септември во организација Армада.

Скопје на 14 септември ќе биде домаќин на ММА спектакл – првпат по повеќе од една деценија!