Поранешниот белгиски репрезентативец Раџа Наинголан неодамна беше уапсен под обвинение за трговија со дрога, а подоцна беше ослободен под одредени услови.

Фудбалерот, кој е на залезот на кариерата во второлигашот Локерен-Темсе, го даде своето прво интервју за весникот Het Laatste Nieuws.

– Ме испрашуваа четири часа. Ми рекоа дека ќе ја поминам ноќта во притвор. Тоа беше како да го уапсуваат Пабло Ескобар, а јас немам никаква врска со оваа нарко приказна во која е вклучен еден мој пријател.

Не ми поставија ниту едно прашање поврзано со дрога. Сакаа да знаат каков е мојот однос со дотичното лице. Затворот беше искуство низ кое не сакам повторно да поминам. Ме прикажаа како дилер на дрога – рече Наинголан, поранешниот играч од средниот ред на Интер и Рома.

Во 2021 година беше уапсен откако го возеше својот автомобил со голема количина алкохол во крвта и со 100 км/ч во зона каде што е дозволено само 60 км/ч.