Белгиските власти денеска одлучија да започнат со вакцинирање на децата на возраст од пет до 11 години против коронавирусот.

Претставници на Министерството за здравство изјавија дека вакцинацијата се препорачува за деца со висок ризик од компликации поради инфекција со коронавирус.

Овие деца ќе имаат приоритет и ќе бидат повикани да ја примат вакцината пред крајот на месецот.

Минатиот месец, регулаторната агенција на ЕУ одобри намалена доза на вакцината Pfizer-Biontek за вакцинирање на деца на возраст од пет до 11 години.

Неколку членки на ЕУ во претходните денови почнаа да ги вакцинираат децата на таа возраст против коронавирус.

Владата на Белгија, земја со 11,5 милиони жители, ги заостри правилата за училиштата и градинките поради новиот скок на бројот на заразени со корона вирусот.