Екипата на Беласица продолжи со добрите настапи и запиша нови три бода на своето конто, откако во рамки на шестото коло од Втората лига минимално го совлада Тетекс со 0-1.

Клучниот момент на средбата се случи уште во раната фаза од натпреварот, кога Бојан Спиркоски ја затресе мрежата на домаќините, погодувајќи за конечниот епилог.

По водечкиот гол, играта се пресели главно на средината од теренот, без многу  прилики за гол пред двата гола, а конечниот резултат остана непроменет до последниот свиреж.

Со оваа победа, струмичани се искачија на врвот на табелата, каде сега се израмнети со Брегалница со по 16 бодови. Од зад нив следи Шкендија Арачиново со 14, а Кожуф останува четврт непоразен тим со 12 освоени бодови.

Преземено од: Спорт.ком.мк