Актерката и нејзиниот избраник ја објавија својата свршувачка на социјалната мрежа „Инстаграм“ и добија над 500.000 лајкови и скоро 9.000 коментари со честитки и добри желби. На фотографиите во преден план, секако беше огромниот дијамантски прстен.

По речиси две години шпекулации дека се заедно, 23-годишната актерка Бела Торн и нејзиниот 27-годишен вереник Бенџамин Масколо конечно ја објавија својата свршувачка на „Инстаграм“ со опис „Таа рече да!“.

 

View this post on Instagram

 

A post shared by Benjamin Mascolo (@b3nm)

Обожавателите дополнително ги разнежни низата слатки објави на Бела на инстаграм-стори која, скоро во солзи, кон камерата го покажува својот голем дијамантски прстен.

„Ти благодарам што си толку прекрасна, те сакам. Јее, ќе се венчаме со прослава во Италија и во Америка“, напиша Бенџамин.

 

View this post on Instagram

 

A post shared by Benjamin Mascolo (@b3nm)

Бенџамин Масколо не е толку познат во јавноста, но тој има многу успеси во животот. Овој музичар собра над 1,7 милиони следбеници на „Инстаграм“, а неговата италијанска музичка група „Benji&Fede“ ја освои музичката награда на „МТВ Европа“ за најдобар италијански бенд. Тој во минатото имаше и неколку појавувања во филм, па наскоро треба да го видиме со неговата свршеница во новиот филм „Time is Up“ кој беше снимен во Италија.

Шпекулациите за романсата на оваа двојка започнаа уште во 2019 година, кога ја објавија својата прва заедничка фотографија. Бела ја потврди нивната врска со изјавата: – „Ако не кажам ништо, тоа значи дека се обидувам да сокријам нешто. Без оглед на тоа што ќе кажам, папараците ќе ме следат и обожавателите ќе откријат со текот на времето“.

Бела живее во Америка, а Бенџамин во Италија, па нивната врска претежно се одвиваше на далечина. Од тие причини, тие планираат да направат две свадби, едната во Италија и другата во Америка.