Беќири: Со максимално сериозен пристап можеме до поволен резултат против Карабах
Фудбалскиот клуб Шкендија се подготвува за првиот натпревар во вторник во рамките од третото квалификациско коло во Лигата на шампионите.
Препорачано
-
1
-
2
-
3
Противник на тетовските „црвено-црни“ е Карабах од Азербејџан, мечот се игра на Националната арена „Тодор Проески“ во Скопје со почеток од 20.00 часот.
Македонскиот првак доколку го елиминира азербејџанскиот претставник, во плеј-офот на ЛШ ќе игра против Лудогорец или Ференцварош. Повеќе ТУКА
Своите амбиции за утрешниот дуел ги споделија тренерот на ФК Шкендија, Јетон Беќири, и еден од најискусните играчи во тимот, капитенот Бесарт Ибраими:
– Без разлика на името на противникот, треба да бидеме на нашето можно ниво, да го дадеме најдоброто од нас. Карабах има многу квалитет, клуб кој 11 пати беше шампион на својата земја во последните 12 години, и имаат доста искусен тренер. И ние имаме свои сметки и планови. Го почитуваме ривалот, но треба да се почитуваме и себе си. Само со максимално сериозен пристап можеме да стигнеме до поволен резултат на првиот меч. Севкупниот победник мислам дека ќе биде решен на теренот во Баку. Секој ривал има своја тежина, ФЦСБ е поскап клуб, но и во Карабах доста се инвестира. Фудбалот е спорт таков што доколку успееме да сме „гладни“, да останеме цврсто на земја, со максимална борба, можеме да излеземе како победници во овие дуели со Карабах – рече Беќири.
Главен судија на дуелот во Скопје ќе биде Иван Кружилак од Словачка. Ибраими е убеден дека тимот ќе го даде максимумот во двомечот против Карабах:
– Ќе го дадеме максимумот на натпреварите против Карабах. Треба да веруваме во себе, зошто да не направиме уште еден историски резултат. Наше е да одиме по својата цел, јас со сите сили ќе настојувам да постигнувам голови. Голема благодарност до навивачите кои до сега ни ја даваа поддршката, посакувам тие да бидат нашиот 12 играч и во вторник – вели Ибраими.
Во продажба билетите за натпреварот Шкендија – Карабах во Лигата на шампионите
