Првиот конвој со жители и странски студенти го напушти украинскиот град Суми по договорот со Русија за воспоставување хуманитарен коридор, соопштија властите во вторникот.

„Веќе ја започнавме евакуацијата на цивилите од Суми во Полтава (во централна Украина), вклучително и странски студенти“, се вели во твитот на Министерството за надворешни работи. „Ја повикуваме Русија да договори други хуманитарни коридори во Украина.

Немири во Суми

Најмалку 21 цивил, вклучително и две деца, загинаа во руски воздушен напад на станбена улица во североисточниот украински град Суми доцна синоќа, се вели во соопштението на регионалното обвинителство во вторникот.

Телата беа пронајдени од службите за итни случаи рано во вторникот во потрагата што е во тек, се вели во соопштението.