Претседателот на Барселон, Хосеп Марија Бертомеу, експресно реагираше по понижувачкиот пораз од 2:8 од Баерн Минхен во Лигата на шампионите и го отпушти тренерот Кике Сетиен, а сега официјално го потврди тоа што сите го знаеја, Роналд Куман е новиот тренер.

Куман кој е актуелен селектор на Холандија во договорот има клаузула за експресно заминување од функцијата само доколку го побара Барселона. Каталонскиот клуб сепак ќе мора да плати отштета од пет милиони евра.

– Разговарав со Куман, а столб на нашата екипа останува Лионел Меси. Тој има договор со 2021 година и секојдневно контактирам со него и неговиот татко. Кога станува збор за неговиот договор ќе одиме колку што е потребно. Можеби со реновирањето на екипата требаше да започнеме уште од минатата сезона, некои фудбалери веќе знаат дека за нив повеќе нема место во клубот – потрврди Бартомеу.

Интересно е што со доаѓањето на Куман за тренер, ќе се промени и трансфер политиката на Барселона и сега главен приоритет е ангажман на играчот на Ајакс, Дони ван де Бек.