Барселона состави список на играчи за засилување на крилната позиција, пренесува „Мундо Депортиво“.

Според изворот, Каталонците во летниот преоден рок ќе се обидат да ангажираат еден од тројцата посакувнаи играчи. На листата се крилата Хвича Кварацхелија (Наполи), Каору Митома (Брајтон) и Габриел Мартинели (Арсенал).

Се истакнува дека каталонските газди ја следат и ситуацијата со играчот на Ливерпул Мохамед Салах кого го сметаат за најсилното крило во светот, но свесни дека дека неговиот трансфер е „невозможен“.

Кварацхелија оваа сезона одигра 28 мечеви во сите натпреварувања, постигна шест гола и четири асистенции. Митома одигра 19 натпревари и успеа да постигне три гола и седум асистенции. Мартинели одигра 28 натпревари во сите натпреварувања, постигнувајќи седум гола и четири асистенции. Очекуваната цена на играчите, според „Трансфермаркт“ е 80 милиони евра, 50 милиони евра, односно 85 милиони евра.

Претходно беше објавено дека бразилското крило Рафиња би можело да ја напушти Барселона на лето.