Под влијание на Средоземен циклон утрово падна првиот снег на Балканот. На социјалните мрежи се појавија снимки од посилна вијулица на српската планина Голија, а снег провејува и на Копаоник.

Српскиот хидрометеоролошки завод (РХМЗ) веќе издаде предупредување за снег во јужните и источните планински предели на 2 и 3 октомври, со можена снежна покривка од 25 до 50 сантиметри за 48 часа.

Медиумите пренесуваат дека се побелени и падините на Бјелашница во БиХ.

Од вечерва и во текот на утрешен ден, како и во петок прогнозите се дека ќе има обилни дождови и во Македонија, а за кон крајот на неделава синоптичарите најавија дека на повисоките места во државата  може да се очекува првиот снег.